«Ձմեռային, ստուգատեսային ճամբար» ծրագրի շրջանակներում հունվարի 13-14-ին կազմակերպվեց ճամփորդություն դեպի Աղվերան: Ճամփորդությանը մասնակցում էին թվով 12 սովորող, ծնողներ, Ադամյան ընտանիքը և 2 դասավանդող՝ Անահիտ Եղյան, Բաբկեն Փաշինյան: Մեկնարկը տրվեց հունվարի 13-ին արևմտյան դպրոցում, ընդհանուր պարապմունքից հետո: Եղանակն ամպամած էր, մռայլ, բայց երբ հասանք Կոտայքի մարզ, մեզ դիմավորեց ջերմ արևը: Կանգ առանք Արզականում և քայլարշավեցինք Նեղուցի սուրբ Աստվածածին եկեղեցի:
Մի լավ թավալ տալով ձյան մեջ, խաղալով ու երգելով՝ հասանք Աղվերան և, դասավորելով մեր իրերը, շտապեցինք բակ, որտեղ մեզ սպասում էին սահնակներն ու առատ ձյունը:
Հետո հավաքվեցինք խաղասրահում և կատարեցինք «Սառցե շղթա» բնագիտական փորձը:
Ընթրիքից հետո մեր ջոկատով մասնակցեցինք հայոց լեզվի ֆլեշմոբին:
Երեկոյան երգեցինք, պարեցինք, կազմակերպեցինք խաղեր և այսպես եզրափակեցինք ճամբարի առաջին օրը:
Անահիտ Եղյան 